प्रधानमन्त्र ओलीले देशकै पहिलो लिक्विड अक्सिजन प्लान्टको शिलान्यास गरे

लुम्विनी प्रदेश स्थित रुपन्देहीको सिमरहवामा स्थापना हुने यो प्लान्टबाट प्रतिदिन ६० मेट्रिक टन उत्पादन हुन्छ । यसबाट सात हजार ठूला सिलिन्डरमा अक्सिजन भर्न सकिन्छ । उद्योगी शंकर अग्रवालको लगानीमा प्लान्ट बनाउन लागिएको हो ।

अक्सिजन प्लान्ट स्थापना र सञ्चालनलाई सफल पार्न सरकारका तर्फबाट भन्सार छुटलगायतका सहयोग गर्न सरकार तयार रहेको पनि प्रधानमन्त्रीले जानकारी दिएका हुन्। सरकारले देशभित्रै अक्सिजनको पर्याप्त उत्पादन गर्ने सोच राख्दै हरेक १ सय शय्याभन्दा बढी भएका अस्पतालले अनिवार्य रूपमा आफैंले अक्सिजन प्लान्ट राख्नुपर्ने व्यवस्था समेत ल्याएको प्रधानमन्त्रीले उल्लेख गरिएको छ।

शिलान्यासपछि कार्यक्रमलाई प्रधानमन्त्री निबास बालुवाटारबाटै सम्बोधन गर्दै उनले कोभिड १९ महामारीको दोस्रो लहर सुरू भएपछि अक्सिजनको तीव्र अभाव व्यहोरेको नेपालका लागि प्लान्टको स्थापना असाधारण खुसीको बिषय भएको छ। ।

‘दोस्रो लहरले हामीलाई एक्कासी अक्सिजनको अभाव, सिलिन्डरको अभाब आदिले ग्रस्त बनायो । त्यतिवेला हामीले महंगो मूल्य तिरेरै पनि अक्सिजन सिलिन्डर  किन्यौं , प्रधानमन्त्रीले केपी शर्मा ओलीले भने ।

अक्सिजन प्लान्को स्थापना र अक्सिजनको उत्पादन पर्याप्त मात्रमा गर्न सकेमा ब्यापार घाटा घटाउन समेत सहज हुने प्रधानमन्त्रीको ओली भनाइ छ  ।