कंगनाले लेखिन्–‘१५ बर्ष अगाडि आजैको दिन ‘ग्याङस्टार’ रिलिज भएको थियो । साहरुख खानजी र मेरो अहिलेसम्मकै सबैभन्दा ठूलो सफलताको कहानी छ । तर, साहरुख खान दिल्लीबाट बलिउडमा आएका हुन् । उनी पढेलेखेका मानिस थिए र उनका माता–पिता पनि चलचित्र क्षेत्रसँग जोडिएका थिए । तर, मलाई अंग्रेजीको एक शब्द पनि आउँदैनथ्यो । मैले अध्ययन गरेकी थिइनँ । हिमाञ्चल प्रदेशको गाउँबाट म आएकी थिएँ ।’
कंगनाले आफू र साहरुख खानले बलिउडमा आएर सबैभन्दा ठूलो सफलता पाएको उल्लेख गरेपछि उनको सामाजिक संजालमा अत्याधिक ट्रोल भैरहेको छ । साहरुखसँग आफ्नो तुलना गरेकी कंगनालाई मानिसहरुले आलोचना गरिरहेका छन् । कतिपयले भने साहरुखका माता–पिता चलचित्र क्षेत्रसँग कसरी जोडिएका थिए भनेर प्रश्न पनि गरेका छन् ।
