माधब नेपाललाई अब एमालेमा किन ल्याउने फेरि पार्टी फुटाउन, एमाले का अध्यक्ष केपी शर्मा ओली – The kathmandu news

माधब नेपाललाई अब एमालेमा किन ल्याउने फेरि पार्टी फुटाउन, एमाले का अध्यक्ष केपी शर्मा ओली

नेपाल कम्यूनिष्ट पार्टी (नेकपा) एमालेका अध्यक्ष केपी शर्मा ओलीले माधव नेपाललाई एमालेमा र्फकिनुहोस् भन्ने नेतालाई माधव नेपाललाई अब एमालेमा किन ल्याउने फेरि पार्टी फुटाउन भनेर प्रश्न गरेका छन् ।

काठमाडौं जिल्ला कमिटीले आयोजना गरेको कार्यकर्ता भेलालाई सम्बोधन गर्दै ओलीले माधव नेपाललाई पार्टीमा आउनुस् भन्ने नेताहरूलाई नै प्रश्न गरेका हुन् ।

ओलीले भने, ‘अझै पनि हाम्रा केही कमरेडहरूले माधव कमरेड आउनुस् भन्दै हुनुहुन्छ । फेरि किन आउने ? फेरि पार्टी फुटाउन ? माधव नेपालको आवश्यकता किन ? म बुझ्दिन । पार्टीमा छइन्जले माधव नेपालले कहिल्यै पार्टी र सरकारको पक्षमा बोलेको सुन्नुभयो?’

सोही कार्यक्रममा अष्टलक्ष्मी शाक्यले माधव नेपालले लिएको बाटो गलत भएको भन्दै एमालेमै फर्किन आग्रह गरेकी थिइन् । ओलीले आफूले कसैको जवाफ दिन नचाहेको भन्दै बेला बेला यस्ता कुरा आउने गरेकाले जवाफ दिएको बताए ।

साढे ३ वर्षसम्म पार्टीमा गुटबन्दी गर्ने र पार्टीलाई सिध्याउने बाहेक कुनै काम नगरेको भन्दै ओलीले एमालेलाई सिध्याउन माधव नेपालले विपक्षीसँग साँठगाठ गरेको आरोप लगाए । ओलीले अब नेकपा एमाले पार्टीलाई माधव नेपालको आवश्यकता नरहेको प्रष्ट पारेका छन् ।

MastersThesisWriting.com Coupon UnemployedProfessors Reviews GrabMyEssay Discount Promo Codes Up to 40%