प्रदेश नं २ मा आज लोकतान्त्रिक समाजवादी पार्टीको संसदीय दलको बैठक

प्रदेश नं २ मा लोकतान्त्रिक समाजवादी पार्टीको संसदीय दलको बैठक बस्दै छ। संसदीय दलको बिधान पारित गरेर नेता चयन गर्न बैठक बोलाइएको सांसद्  बाबुलाल साहले जानकारी दिए । 

तत्कालीन जसपा बाट भएर गठन भएको लोसपा संसदीय दलको यो पहिलो बैठक हो । जनकपुरस्थित होटेल सिटी स्टारमा आज दिउँसो बैठक बोलाइएको हो ।

बैठकमा अध्यक्ष महन्थ ठाकुर, बरिष्ठ नेता राजेन्द्र महतो, शरदसिंह भण्डारी, अनिल झा लगायतका नेता समेत सहभागी हुने छन्।दलको नेता सम्बन्धमा बनेको विधानप्रति सांसदहरुको एकमतै रहेकाले पारित गर्न सहज देखिएको हो। तर संसदीय दलको नेतामा ३ जना सांसदले आकाङ्क्षी छन्।

सांसद जितेन्द्र सोनल, उपेन्द्र महतो र सुरिता साह संसदीय दलको नेताका आकाङ्क्षी हुन्।दलका नेतामा सोनललाई नै चयन गर्न आन्तरिक छलफल चलिरहेको सांसद बाबुलाल साहले बताए। सहमति नभए चुनाब गरिने उनले बताए।