व्यक्तिको सम्पत्ति नै राष्ट्रको सम्पत्ति होः अर्थमन्त्री शर्मा

काठमाडौंः अर्थमन्त्री जनार्दन शर्माले आफूसँग भएका स्रोत साधनहरूको उचित व्यवस्थापन तथा परिचालन नगर्नाले नेपाल गरिबीको अवस्थामा रहेको बताएका छन् । बिहीबार नेकपा (माओवादी केन्द्र) कागेश्वरी मनोहरा नगर समितिद्वारा आयोजि तिहारको शुभकामना आदानप्रदान कार्यक्रममा बोल्दैँ उनले उक्त कुरा बताएका हुन् ।

‘उनले भने पेट्रोलदेखि अरू सबै कुरा नेपालमै छ । तर त्यसको उचित प्रयोग, सञ्चालन, व्यवस्थापन गर्ने कमी कमजोरी र सत्तामा रहेकाहरूले त्यसतर्फ ध्यान नदिँदा आज समाजले गरिबीको अवस्था व्यहोरिरहेको अवस्था छ ।

यस्तै, मन्त्री शर्माले मुलुकलाई आत्मनिर्भर बनाउन सरकारले नीति बनाएर मात्र नहुने पनि बताए । व्यक्तिको सम्पत्ति नै राष्ट्रको सम्पत्ति भएकाले सामूहिक र एकल श्रमलाई पनि जोड दिएर राष्ट्रिय अभियान चलाउन मन्त्री शर्माले सरकारलाई आग्रह समेत गरे ।