काठमाडौंः नेपाल बार एसोसिएसनले प्रधानन्यायाधीश चोलेन्द्र शमशेर जबराविरुद्ध आन्दोलनका कार्यक्रम थप गर्ने भएको छ ।
तिहार अघि पनि प्रधानन्यायाधीश जबराको राजीनामा माग गर्दै कालोपट्टी बाँधी विरोध कार्यक्रम गरिरहेको बारले फेरि आन्दोलनका कार्यक्रम गर्ने भएको हो । बारले राजीनामा दिन प्रधानन्यायाधीश जबरालाई ५ दिनको अल्टिमेटम दिएको थियो ।
विकृति, विसंगति, भ्रष्टाचार रोक्न नसकेको, न्यायपालिकाको स्वच्छता, गरिमा कायम राख्न नसकेकोले प्रधानन्यायाधीशको राजीनामा मागिएको बारले जनाएको छ ।
