अध्यक्ष ओली आज विराटनगर जादैँ

काठमाडौंः नेकपा एमालेका अध्यक्ष केपी शर्मा ओली विराटनगर जाने तय भएका छन्। पार्टीको मोरङ जिल्ला कमिटीले चाडपर्वको अवसरमा आयोजना गरेको शुभकामनाआदानप्रदान तथा चियापान कार्यक्रममा सहभागी हुन ओली विराटनगर जान लागेका हुन्।

ओली काठमाडौंबाट बिहान ११ बजे यती एयरको जहाज चढेर विराटनगर जाने तय भएको छ। विराटनगरमा उनले नेतारकार्यकर्तालाई प्रशिक्षण दिने, कार्यक्रमलाई सम्बोधन गरेपछि कार्यकर्ता भेटघाट गर्ने कार्यक्रम रहेको छ ।

यसबीच पार्टीका नेता, सामाजिक व्यक्तित्व, उद्योगी व्यवसायी, सुरक्षा तथा निजामतीलगायत व्यक्तित्वको कार्यक्रममा सहभागिता रहने महानगर कमिटीले जनाएको छ। उनी आजै काठमाडौं फर्किने कार्यक्रम रहेको एमालेले जनाएको छ।