0
Shares
काठमाडौंः नेकपा एकीकृत समाजवादीका नेता झलनाथ खनाल पार्टीको काममा फर्किएका छन् । मिर्गौला प्रत्यारोपण गरेपछि घरमै आराम गरिरहेका उनी स्वास्थ्य लाभ गरी पार्टीको काममा फर्किएका हुन् ।
उनले हिजो (सोमबार) पार्टी कार्यालय पुगेर विदेश विभागको बैठक राखेका थिए । एसका प्रवक्ता जगन्नाथ खतिवडाले पार्टी केन्द्रीय कार्यालय, मीनभवनमा खनाल उपस्थित भएर विदेश विभागको पहिलो बैठक बसेको बताए ।
गत २० साउनमा नयाँ दिल्लीस्थित एपोलो हस्पिटलमा मिर्गौला प्रत्यारोपण गरेपछि उनी चिकित्सकहरुको सल्लाहमा घरमै आराम गरिरहेका थिए ।
