काठमाडौँः नेपालमा पछिल्लो २४ घण्टामा थप ३ सय ९७ जनामा कोरोना संक्रमण पुष्टि भएको छ । योसंगै नेपालमा कोरोना संक्रमितको संख्या ९ लाख ११ हजार ४ सय ५२ पुगेको छ ।
देशभर गरिएको ९ हजार १ सय ३४ पिसिआर परिक्षणका क्रममा ३ सय ५५ जना र १ हजार ९ सय ३२ एन्टीजेन परिक्षणका क्रममा ४२ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
त्यस्तै कोरोनाका कारण थप ३ जनाको मृत्यु भएको छ । हालसम्म नेपालमा ११ हजार ४ सय ६९ जनाको कोरोनाका कारण मृत्यु भएको छ ।
त्यस्तै थप ३ सय ८९ संक्रमित निको हुँदा हालसम्म नेपालमा ७ लाख ९७ हजार ४ सय ४८ जना निको भएका छन् । हाल नेपालमा ७ हजार ४ सय ९८ सक्रिय संक्रमित आइशोलेशन र ९८ जना क्वारेन्टाइनमा रहेको मन्त्रालयले जनाएको छ ।
