काठमाडौंः नेपाल बार एसोसिएसनले आज (आइतबार) देखि देशभर आन्दोलन गर्ने भएको छ । प्रधानन्यायाधीश जबराको राजीनामा माग गर्दै कालोपट्टी बाँधेर आन्दोलन गर्दै आएको बार एसोसिएसनले आजदेखि देशभर आन्दोलन गर्न लागेको हो ।
बारले १४ कात्तिकदेखि प्रधानन्यायाधीश जबराको राजीनामा माग गर्दै सर्वोच्च अदालत, विशेष अदालत र काठमाडौं उपत्यकाका अदालतमा कालोपट्टी बाँधेर आन्दोलन गर्दै आएको थियो ।
बारले काभ्रे र उपत्यकाभित्रका सबै जिल्ला अदालत, न्यायाधिकरण, विशेष अदालतमा दिउँसो १२ बजेसम्म मुद्दा सुनुवाइ नगर्न आग्रह गरिएको छ ।
