देशका विभिन्न स्थानमा बन्दको कारण यात्रुहरु अलपत्रमा

काठमाडौंः नेत्रविक्रम चन्द ‘विप्लव’ नेतृत्वको नेकपाले गरेको नेपाल बन्दको प्रभाव मंगलबार बिहानैदेखि काठमाडौं उपत्यका लगायत देशका विभिन्न स्थानमा देखिएको छ ।

पेट्रोलियम पदार्थमा भएको मूल्यवृद्धि फिर्ताको माग गर्दै विप्लव समूहले गरेको नेपाल बन्दका कारण यात्रुले बिहानै सास्ती खेप्न परेको छ । विभिन्न जिल्लाबाट हिजो छुटेर बिहानै काठमाडौं आइपुगेका यात्रुहरु गाडी नचल्दा अलपत्रमा परेका छन् ।

उपत्यकाका सडकमा सार्वजनिक सवारी साधनहरु कम मात्रामा चलेका देखिन्छ । बन्दको प्रभाव कम गर्न चोकचोकमा प्रहरीहरु खटिएका छन् ।