0
Shares
काठमाडौँः अखिल नेपाल फुटबल संघ एन्फाले कतार एयरवेजसँग सम्झौता नविकरण गरेको छ । शुक्रबारदेखि शुरु हुने शहीद स्मारक ए डिभिजन लिगका लागि एन्फाले कतार एयरवेजसँग सम्झौता नविकरण गरेको हो ।
यसअघि पनि कतार एयरवेज नै ए डिभिजन लिगमा मुख्य प्रायोजकको रुपमा रहेको थियो । एन्फाका अध्यक्ष कर्माछिरिङ शेर्पा र कतार एयरवेजका कन्ट्री म्यानेजर मोहम्द इल इमानले सम्झौता नविकरण पत्रमा हस्ताक्षर गरेका छन् । अहिले पनि ए डिभिजन लिगको नाम ‘कतार एयरवेज ए डिभिजन लिग’ नै रहने छ ।
यो बर्ष लिगको प्रायोजन गरेबापत कतार एयरवेजले १ लाख ५० हजार डलर एन्फालाई प्रदान गर्ने छ । यो डलर रकम अर्को बर्ष ५ लाख पु¥याउने लक्ष्य रहेको एन्फा अध्यक्ष कर्माछिरिङ शेर्पाले जानकारी दिए । कतार एयरवेजका कन्ट्री म्यानेजर इमानले नेपालको फुटबलको विकासका लागि कतार सधैं तयार रहेको बताउँदै यो सम्बन्ध अझै लामो समय सम्म जाने विश्वास व्यक्त गरे ।
ए डिभिजन लिग शुक्रबारदेखि शुरुहुँदै छ । उद्घाटन खेलमा फ्रेण्ड्स र सातदोबाटोबीच प्रतिस्पर्धा हुने छ । १४ टिम सहभागि खेलमा सबै टिमले १३ खेल खेल्ने छन् । कुल ९१ खेलको नतिजाले ए डिभिजन लिगको उपाधि छिनोफानो हुने छ ।
