जनकपुरधामः प्रदेश २ मा दुई जना नवनियुक्त मन्त्रीले शपथ ग्रहण गरेका छन्। नेकपा (एकीकृत समाजवादी) पार्टीबाट सरकारमा सहभागी भएका शत्रुद्यन महतो र प्रमोद यादवले आज (आइतबार) बिहान शपथ ग्रहण गरेका हुन्।
महतोले उद्योग, पर्यटन, वन तथा वातावरण र यादवले कानून, न्याय तथा प्रदेश सभा मामिला मन्त्रालय पाएका छन्। प्रदेश प्रमुख हरिशंकर मिश्रले जनकपुरधामस्थित मधेश भवनमा आइतबार बिहान दुवै मन्त्रीलाई शपथ ग्रहण गराएका हुन्।
