काठमाडौं : नेपाली कांग्रेसको १४औं महाधिवेशनमा नेतृ सीता गुरुङले सहमहामन्त्री पदमा उम्मेदवारी दिने घोषणा गरेकी छन् ।
पूर्वराज्यमन्त्री समेत रहेकी गुरुङले आदिवासी जनजातितर्फ सहमहामन्त्री पदमा उम्मेदवारी दिने घोषणा गरेकी हुन् । उनले आफुले लामो समयदेखि पार्टी र आदिवासी जनजाति समुदायको कार्य गर्दै आएको बताउदै आदिवासी जनजातितर्फ नै सहमहामन्त्रीको दाबी गर्ने बताइन् ।
कांग्रेसले यसपटकको महाधिवेशनमा खस आर्य, महिला, मधेसी, आदिवासी जनजाति र दलितसहित ८ वटा समावेशी समूहबाट सहमहामन्त्री बन्ने व्यवस्था गरेको छ । नेतृ गुरुङ सभापति शेरबहादुर देउवानिकट हुन् । उनी केन्द्रीय आदिवासी जनजाति विभागकी प्रमुख पनि हुन्।
