0
Shares
काठमाडौं: एमाले अध्यक्ष केपी शर्मा ओली चितवनको सौराहामा भएको १० औं राष्ट्रिय महाधिवेशनपछि पहिलो पटक आज पत्रकारसँग भटघाट गर्ने छन् । प्रेस चौतारी नेपालले महाधिवेशनको सन्देशसहित अध्यक्ष ओलीसँग पत्रकारको साक्षात्कार कार्यक्रमको आयोजना गरेको छ ।
प्रेस चौतारी नेपालले काठमाडौंको तीनकुनेस्थित रोयल बैंक्वेटमा अध्यक्ष ओलीको पत्रकार सम्मेलन आयोजना गरेको छ। पत्रकार सम्मेलन दिउँसो साढे १२ बजे सुरु हुनेछ । सौराहामा मंसिर १० गतेदेखि भएको महाधिवेशनले अध्यक्ष ओलीलाई दोस्रो कार्यकालका लागि अध्यक्ष निर्वाचित गरेको थियो । अध्यक्षमा पुनः निर्वाचित भएपछि ओलीको यो नै पहिलो पत्रकार भेटघाट हो ।
मंसिर २५ र २६ गते एमाले केन्द्रीय कमिटीको बैठक बस्नुअघि हुने पत्रकार सम्मेलनमा समसामायिक राजनीतिक परिस्थिति, आगामी रणनीति तथा पार्टी अभियानबारे अध्यक्ष ओलीले धारणा राखेका छन् । केन्द्रीय कमिटी बैठकमा १५ वटा कार्यसूचीमाथि छलफल हुने एमाले केन्द्रीय कार्यालयका सचिव शेरबहादुर तामाङले जानकारी दिए । file photo
