दोस्रो चरणको चुनावमा देउवालाई निधिको समर्थन

काठमाडौँ: नेपाली कांग्रेसको सभापति पदका लागि हुने दोस्रो चरणको चुनावमा विमलेन्द्र निधिले पनि शेरबहादुर देउवालाई समर्थन गर्ने भएका छन्।

सोमबार भएको पहिलो चुनावमा ५१ प्रतिशत मत ल्याउन नसकेर विजयी हुन नसकेपछि देउवा दोस्रो चरणमा सहयोग माग्दै हिँड्ने क्रममा पहिलो चरणका सभापति उम्मेदवार निधिको निवास पुगेका हुन्।

त्यस क्रममा निधिले देउवालाई नै सहयोग गर्ने बताएको निधिको सचिवालयले जानकारी दिएको हो।

यसअघि पहिलो चरणका अर्का प्रत्याशी प्रकाशमान सिंहले पनि आफ्नो समूहको सहयोग देउवालाई हुने बताइसकेका छन्।