0
Shares
काठमाडौं : नेपाली काँग्रेसको १४औं महाधिवेशनमा सभापतिमा शेर बहादुर देउवा निर्वाचित भएका छन ।
कुल ४ हजार ५६२ मतमध्ये देउवाले २७२४ मत पाएका थिए । सभापति जित्नका लागि २२८२ मतको आवश्यक चाहिन्थ्यो । देउवासँग प्रतिष्पर्धी डा शेखर कोइरालाले भने १८१७ मत प्राप्त गरेका छन् ।
सोमबार भएको सभापतिको मतदानमा उम्मेद्वारले ५० प्रतिशतभन्दा बढी मत प्राप्त गर्न नसकेपछि मंगलबार दोस्रो चरणको मतदान गरिएको हो । पहिलो चरणको सभापति उम्मेद्वारमा ५ जना प्रत्याशीबिच प्रतिष्पर्धा भएको थियो । जसमध्ये शेर बहादुर देउवाले दुई हजार २५८, शेखर कोइरालाले एक हजार ७०२ मत प्राप्त गरेका थिए । यसैगरी अर्का उम्मेद्वार पूर्व महामन्त्री प्रकाशमान सिंहले ३७१, उपसभापति विमलेन्द्र निधिले २५० र केन्द्रिय सदस्य कल्याण गुरुङले २२ मत प्राप्त गरेका थिए ।
