पाँच दलीय समन्वय समितिको बैठक आज बस्दै – The kathmandu news

पाँच दलीय समन्वय समितिको बैठक आज बस्दै

काठमाडौँ । पाँच दलिय सत्ता गठबन्धनको उच्चस्तरीय राजनीतिक समन्वय समितिको बैठक आज बस्दै छ।

बैठक प्रधानमन्त्रीको सरकारी निवास (बालुवाटार) मा अपराह्न ४ बजे बस्नेछ। बैठकमा आगामी निर्वाचनलगायत समसामयिक विषयमा छलफल हुनेछ। बिहीबारै बस्ने भनिएको बैठक तयारी नपुगेको भन्दै स्थगित गरिएको थियो।

हिजो प्रधानमन्त्री शेरबहादुर देउवा, माओवादी केन्द्रका अध्यक्ष प्रचण्ड र एकीकृत समाजवादी अध्यक्ष माधवकुमार नेपालबीच बिहीबार साँझ भेटवार्ता भएको छ। उनीहरूबीच संघीय, प्रदेश र स्थानीय तह निर्वाचनबारे छलफल भएको हो।

अब यस विषयमा आज राजनीतिक समन्वय समितिको बैठक राखेर थप छलफल र निर्णय गर्ने तयारी गठबन्धनका शीर्ष नेताहरूले गरेका हुन्।

यसअघि गत मंगलबार बसेको बैठकमा माओवादी केन्द्रका अध्यक्ष प्रचण्डले स्थानीय तहको निर्वाचन ६ महिना सारेर आगामी वैशाख–जेठमा प्रतिनिधि सभा र प्रदेशको निर्वाचन गर्नुपर्ने प्रस्ताव गरेका थिए।

उनको यो प्रस्तावमा नेकपा एकीकृत समाजवादी र राष्ट्रिय जनमोर्चा नेपालले पनि साथ दिएका छन्। तर गठबन्धनको अर्को दल जनता समाजवादी पार्टीका अध्यक्ष उपेन्द्र यादव र नेपाली कांग्रेसको संस्थापन इतर केही नेताहरुले उक्त प्रस्तावमा आपत्ति जनाएका छन्।

उता नेकपा एमालेले पनि स्थानीय तहको निर्वाचन सारेर देशमा संवैधानिक रिक्तता निम्त्याउन खोजिएको भन्दै आपत्ति जनाइसकेको छ। file photo

free thesis statement a essay about me Essayok.net Promo code 2023 PapersOwl Discout Code FastEssay Discount Promo Codes Up to 40% MyHomeworkDone Promo Code, Coupons, Discount Codes and Review essayedge discount codes EvolutionWriters Discout Code research paper write KingEssays.com promo code