0
Shares
ईशनाथ नगरपालिका वडा ७ घिउरा स्थित श्री वि.पि.कोईराला आदर्श बिधालयमा दुई कोठे पक्कीस निर्माण हुने भएको छ ।
शुक्रवार ईशनाथ नगरपालिकाका नगरप्रमुख कौसलिया देवी र सो वडाका वडाध्यक्ष प्रत्यासी सदरे आलमको संयुक्तरूपमा उक्त भवनको शिलान्यास गरेका हुन् ।
ईशनाथ नगरको पहलमा शिक्षा मन्त्रालय शैक्षिक सुधार कार्यक्रम अन्तर्गत आर्थिक बर्ष २०८०/०८१ मार्फत विनियोजित लागत अनुमान भ्याट र कन्टीजेन्सी सहित वडा ७ को बिधालयमा ३८ लाखमा दुई कोठे पक्की भवन र त्यस्तै लागत अनुमान भ्याट र कन्टीजेन्सी सहित वडा ७ को बिधालयमा दुई कोठे पक्की भवन निर्माण हुने भएको छ।
भवन निर्माण पश्चात बिधालयमा अध्ययनरत बिधार्थीहरूलाई पठनपाठनमा सहयोग पुग्ने ईशनाथ नगर प्रमुख कौसलिया देवीले बताए ।
नगर प्रमुख देवीले ईशनाथ नगरको शैक्षिक गुणस्तर र विकासका निम्ति विद्यालयको भौतिक पूर्वाधार निर्माणमा जोड दिएको बताए । उनले भवन अभावले बिधालयहरुको शैक्षिक गतिविधिमा समस्या भइरहेकोमा भवन निर्माण पश्चात सो समस्या समाधान हुने बताए ।
शिलान्यास कार्यक्रममा ईशनाथ नगरपालिका ७ का वडाध्यक्ष प्रत्यासी सेख सदरे आलम , ईशनाथ नगरपालिका शिक्षा शाखा प्रमुख मधुरन्जन सिंहा,श्री वि.पी.कोईराला आदर्श बिधालयका व्यवस्थापन समिति अध्यक्ष सेख सदरे आलम , बिधालयका प्रधानाध्यापकहरु, शिक्षकहरु लगायतको उपस्थिति रहेको थियो।
