भारतको उत्तराखण्डमा १६ हजारभन्दा बढी बच्चामा देखियो करोना

छिमेकी देश भारतको उत्तराखण्डमा पछिल्लो डेढ महिनामा १६ हजारभन्दा धेरै बच्चा तथा १९ वर्षसम्मका किशोरमा संक्रमण देखिएका छन् ।

स्टेट कन्ट्रोल रुम कोभिड १९ को वेभसाइटका अनुसार यसमा नौ वर्षको उमेरका ३०२० र १० देखि १९ वर्षबीचको १३ हजार ३९३ किशोरमा संक्रमण देखिएको छ ।

यसको असर नेपालमा पनि पर्न सक्ने र छिटै नै नेपाल पनि सर्ने विज्ञहरुको कथन रहेको छ । यसलाई तेस्रो भेरियेण्टको कोरोना भनिएको छ ।

कोरोना संक्रमणको पहिलो घटना राज्यमा अघिल्लो वर्षको मार्चमा देखिएको थियो । झण्डै एक वर्षमा प्रदेशमा बच्चा र किशोरलाई संक्रमणको कुल सख्या १० हजार ७४० जना भेटिएको छ ।

तर एक महिना अर्थात् अप्रिल २०२१सम्म यो १८ हजारको आँकडा पार गर्यो । बच्चा र किशोरमा संक्रमण तीब्र रुपमा फैलिइरहेको छ ।

यसबाट यो जिज्ञासा उठेको छ कि उत्तराखण्डमा कोरोनाको तेस्रो लहर पुगिसकेको छ । जसको बारेमा भनिएको छ कि यसमा सबैभन्दा धेरै नोक्सानी बच्चा र किशोरहरुमा हुनेवाला छ ।

उत्तराखण्डमा डायरेक्टर नेसनल हेल्थ मिसन डा. सरोज नैथानी भन्छन् काहीँ न काही यो आँकडाले सिंगो भारतलाई सचेत गराइरहेको छ ।

उत्तराखण्डमा यही उमेरसमूहमा पनि विभिन्न वर्गका बच्चाहरु छन् । एकातिर ठूला भवनमा बसेर भिडियो गेम खेल्ने र अनलाइनबाट पढ्ने बच्चाहरुदेखि सानो झुपडीमा जीवन बिताउनेहरुसम्म छन् ।

अर्काे गाउँघरमा रहनेहरु बढी पहाडी भेगमा बस्छन् । उनीहरुमा यो भ्रम छ कि पहाडी भेगमा कोरोना संक्रमण देखिँदैन ।

डा. सरोज भन्छन्, ‘अहिले जुन आकडा आएको छ, त्यसमा हामी हेर्नुपर्छ कि कोरोना भाइरस कुन स्तरका बच्चामा धेरै देखिएको छ ।

के यो सबै देहरादून, हरिद्वार र उधमसिंह नगरका हुन् या पहाडी भेगका बच्चामा पनि देखिएको छ । हाम्रो सर्विलेन्स टीमले यसको खोजी सुरु गरिसकेको छ ।’

सरोज भन्छन् ‘महामारीको इतिहासलाई हेर्ने हो भने सामान्यतया महामारीको ३ देखि ४ वटासम्म लहर आउने गर्छ ।

भाइरस म्युटेड पनि भइरहेको छ । अहिलेसम्म मुलुकमा १८ वर्षभन्दा बढी उमेर समूहका मान्छेमा मात्रै कोरोना भाइरसको खोप लगाउने गरिएको छ । बचेका १८ वर्षभन्दा कम उमेरका बच्चाहरुमा यसको खतरा देखिएको हो ।’

बिबिसी