चीन सरकारले नेपाललाई दस लाख डोज कोरोना खोप अनुदान दिने

चीनले नेपाललाई तत्काल दस लाख डोज खोप कोरोना भाइरस वरुद्धको खोप अनुदान दिने भएको छ । वुधवार टेलिफोन कुराकानीमा राष्ट्रपति विद्यादेवी भण्डारीले चिनियाँ राष्ट्रपति सी जिनपिङसँग नेपाललाई आबश्यक कोरोना भाइरस वरुद्धको खोप खरिदमा सहजीकरण गरिदिन अनुरोध गरेकी थिइन् ।

वुधवार नेपालका राष्ट्रपति र चीनका राष्ट्रपतिबीचको टेलिफोन संवादपछि नेपालका लागि चिनियाँ राजदूत हाउ यान्छीले चीनले नेपाललाई अनुदानमा खोप दिएको घोषणा गरेकी हुन् ।

नेपाल र चीनका राष्ट्रपतिबीचको टेलिफोन कुराकानीमा चिनियाँ राष्ट्रपति सी जिनपिङले दस लाख डोज खोप दिने घोषणा गरेका हुन् ।

सिनोफार्मले उत्पादन गरेको भेरोसेल खोप चीनले उपलब्ध गराउने जनाएको हो । यसअघि चीनले नेपाललाई ८ लाख डोज भेरोसेल खोप अनुदानमा दिएको थियो ।