0
Shares
काठमाडौंः इंग्लिस प्रिमियर लिग फुटबलमा चेल्सीले लेस्टर सिटीमाथि शानदार जित हासिल गरेको छ । सिटीको घरेलु मैदानमा शनिबार राति भएको खेलमा चेल्सीले ३–० को जित हासिल गरेको हो ।
खेलको १४औं मिनेटमा एन्टोनियो रुडिगरले गोल गर्दै चेल्सीलाई सुरुआती अग्रता दिलाएका थिए ।भने २८औं मिनेटमा एनगालो कान्टेले गोल गर्दै चेल्सीको अग्रता दोब्बर बनाए ।
साथै, खेलको ७१औं मिनेटमा क्रिस्टियन पुलिसिचले गोल गर्दै चेल्सीलाई ३–० को शानदार जित दिलाए । जितसँगै चेल्सीले १२ खेलमा २९ अंक जोड्दै शीर्ष स्थानमा रहेको छ ।
१२ खेलमा १५ अंक जोडेको सिटी १२औं स्थानमा रहेको छ ।
