अरुण करिडोरको काम चाँडै थाल्ने सरकारको योजना

काठमाडौंः सरकारले अरुण करिडोर आयोजनाको काम चाँडै थाल्ने अर्थमन्त्री जनार्दन शर्माले बताएका छन् । प्रेस सेन्टर नेपाल सङ्खुवासभाले आज गरेको पत्रकार भेटघाट कार्यक्रममा बोल्दै उनले यस्तो बताएका हुन् ।

कार्यक्रममा बोल्दै विश्व बैंकसँग पनि कुरा भइरहेको बताउँदै उनले किमाथाङ्का नाका सञ्चालनको पहल गर्ने बताए । किमाथाङ्का नाकासम्म सडक निर्माण र भन्सार व्यवस्थित बनाउन सरकारले महत्वका साथ हेरिरहेको उनको भनाइ छ।

मन्त्री शर्माले नेपालको पानी जनताको लगानीले अरुण नदीको विभिन्न आयोजना सफल बनाउने बताए । उनले पाँच दलको गठबन्धनको सरकार निरन्तर चल्नेमा शङ्का नगर्न पनि आग्रह गरे ।