आफ्नै बहिनीलाई बलात्कार गरेको आरोपमा दाजु पक्राउ

काठमाडौंः गुल्मीमा आफ्नै बहिनीलाई बलात्कार गरेको आरोपमा दाजु पक्राउ परेका छन् । १३ वर्षीय बहिनी बलात्कारको आरोपमा दाजु पक्राउ परेका हुन् ।

पक्राउ पर्नेमा इस्मा गाउँपालिका–३ गल्मीका १९ वर्षीय युवक रहेका छन् । जिल्ला प्रहरी कार्यालय गुल्मीका अनुसार बलात्कार आरोपी युवकलाई इस्मा प्रहरीले ३ दिन अघि नै नियन्त्रणमा लिएको हो ।

पक्राउ परेका ती युवकलाई गएराति जिल्ला प्रहरी कार्यालयमा पठाइ बुधबार अदालतमा म्याद थप गर्न लागिएको इस्मा प्रहरीले जनाएको छ। घटनाका सम्बन्धमा थप अनुसन्धान भइरहेको जिल्ला प्रहरी कार्यलय गुल्मीले जनाएको छ।